Ørkentur - Inland Sea

Prøver alltid å få til ein ørkentur når me har besøk - men me er då avhengig av hjelp frå andre for å få med alle. Takk til Kjellbjørn og Gro som forbarma seg over oss denne gongen!!


Etter masse sol og bad ved Inland Sea var det klart for dynekøyring - og Anders hadde spara litt batteri på kameraet for å filma fyrstemann som køyrde seg fast - og denne gongen vart det Ove - men det vart ikkje filming då Anders måtte ut og dytta. Men både besøk og sjåfør likte turen - 'bedre enn Tusefryd' sa Tove Mette etter ei bratt utførkøyring. Eit av bileta under viser bakken me køyrde ned.

Vannscooter

Trur dette er lika kjekt for dei stor gutta som for jentene !!

Kamel-riding ++

For å få litt avveksling frå compound-bassenget valte me å ta oss ein dag på Seeline Beach Resort. Og - allerede ved motorvegen mellom Wakrah og Messaieed køyrde me forbi ein flokk kamelar.

Ute på Seeline kosa me oss ved bassenget - og Anita, Tove Mette, Mathilde og Morten fekk ri på kamel.

Haustferie i Norge

Denne veka er det haustferie i Årdal - og me har Årdalsbesøk. Veninna til Gøril - Anita - kom allerede natt til torsdag medan Tove Mette m/fam kom natt til laurdag - so no er det folksomt her. -Og mykje logistikk med ein storfamilie på 10 stk!! Men det går veldig greit - og det er kjempekjekt med besøk.



Ove, Anders, Gøril, Anita og Eirik prøvde seg allerede laurdag på ATV-køyring - men det var for mykje vind - masse sand i lufta - so det vart kun ein liten forsmak på ørken for dei.

Dagane går stort sett med til bading - bassenget i compounden har sjølvsagt vore mykje i bruk - men dei har òg vore på Seeline der det vart bading både i sjøen og på stranda og dei fekk òg nokre timar på Al Banush - klubben vår.
OG - og og Tove Mette har sjølvsagt fått stelt hender og føtter på Beauty salongen!!

Legg ved nokre bilder frå souqen - alltid kjekt å ta med besøkande dit!! Ungane likte spesielt godt 'dyre-souqen'.

H1N1 - og stengte skular

Fekk seint i går beskjed om at ASD ikkje vert åpen fyrste veka etter Eid.
Det er Supreme Council of Education som bestemmer at alle skular i Qatar må halda stengt ei veka (1. veka etter Eid-ferien) for å hindra spredning av swine-flue. Ante nok at den norske skulen òg måtte stenga - men høyrde ingenting i løpet av kvelden - so Erik for avgårde til normal tid.
Men - utpå dagen idag so ligg dette på websidene til Qatar Norwegian School:
Ministry of Education i Qatar har bestemt at alle skolene i landet skal være stengt fram til 4. oktober. Dette er bekreftet av HR sjef i Qatalum Salman Al Kuwari. Grunnen er fare for spredning av ”svineinfluensa".
Men - det vert ikkje ei ekstra ferieveka - dei får oppgåver å jobba med - som skal leverast inn fortløpande!!

Cairo

So var endeleg Ramadan ferdig - og det var Eid - og ferie. Mange Qatalum-tilsette nytta sjansen til å utforska andre land - me valte å ta ein byferie til Cairo - ilag med fam. Nytun Fossøy. Hovedmålet var pyramidane og Sfinxen, jentene skulle sjølvsagt på shopping, so måtte me få med oss basarane i tillegg til at me skulle kosa oss å ha ferie. Hotellet me budde på låg like ved egyptisk museum - so me fekk med oss det òg.

Me hadde nokre fine dagar i Cairo - men det vart ikkje heilt som me hadde tenkt oss. Hadde trudd at me kunne ut å gå og kika litt rundt - men det var heilt håplaust. Det yra av folk og bilar overalt - håplaust å koma se fram - so det vart til at me tok taxi til og frå dit me skulle. Bilparken i Cairo kan ikkje heilt samanliknast med Qatar (såg ikkje mange Pradoar der nei...) - taxiane var gamle, små, rusta og bulkete - for det meste utan selar og sjølvsagt utan AC. Og - det er heilt utruleg at det skal vera so vanskeleg å køyra i filene ....

Ørkentur

Forrige fredag var var me på sesongen fyrste ørkentur. Me hadde utsett ørkentur pga varme i både luft og vatn - men no var vatntemperaturen under 35 grader - so då fann me ut at det var leveleg. Var ca 40 bilar oppstillt på Inline Sea - og trur 10 av dei var Årdøler.

Det vart ein kjempefin dag. Køyrde tracket ut - 5 bilar i lag. Fam Nytun Fossøy var på sin fyrste ørkentur - og dei klarde seg kjempefint. So var det soling, bading og sosialt samvèr ved Inline Sea - og deretter dynekøyring tilbake. Og - det er alltid artig å treffa på kamelar!!

So var me på plass i Qatar att

Var faktisk ganske godt å koma nedatt - kjekt å treffa att venner. Eg og Eirik brukte litt ekstra tid på flyplassen pga manglande kuffert - men den var heldigvis lokalisert - so me fekk den att dagen etter.
Gøril har allerede starta på skule - ho skal i år gå på American School of Doha - ilag med 8 andre norske frå Qatalum. Var nok litt vanskeleg - men det håpar me kjem seg etterkvar. Eirik startar i 6. klasse på Qatar Norwegian School i morgon. Vert spennande - skulen var vel litt over 70 elevar ved skuleslutt i vår - men er no oppe i rundt 150 elevar - Eirik sin klasse er den største med over 20 elevar.
Og so har Ramandan starta - so då kan me ikkje eta og drikka 'offentleg' - kan ikkje ta med den obligatoriske vassflaska i håndi dersom me skal gå litt - so då er det ikkje langt me kan gå - for no er det veldig heitt her nede. Men det går fint å ligga litt ved bassengkanten - eller eigentleg so vert det mest uti bassenget (som eigentleg ikkje er so veldig avkjølande)....
Prøvde oss på shopping i går - i år veit me at under Ramadan so åpnar ikkje butikkane ikkje før om kvelden - men me klarte sjølvsagt og bomma litt likavel - for den butikken me skulle handla skulemateriell til Gøril på - den åpna ikkje før kl. 2030 - me var der over ein time før ...

Norge

So var me heimatt i Norge - har nesten vore ei veka her no - kjempegodt. Veldig godt å sleppa tredemølla ... - har vorte nokre Skarpenor-turar ++
Dei siste dagane me var i Qatar var det veldig heitt - skulle liksom vedlikehalda brunfagen litt - men det var so vidt me orka å vera ute i soli. Vart ein del shopping istadenfor - det var ein del me måtte handla før me for til Norge.
Siste skuledag før sommarferien var torsdag 11.juni - og det byrja fort å bli 'tomt' i compounden - var mange som reiste allerede natt til fredag. Mange avskjedar - men dei fleste møter me att til hausten.
Me prøvde ti det siste å sitta ute og nyta kveldane - sit då i døråpninga for å få ut litt kulde - fungerer berre sånn passe - so siste kvelden tok me likagodt med oss både besøk, champis og vin til bassenget - veldig kjekt.
Natt til søndag sette me oss på flyet - British Airways via London. Veldig grei rute - med unnatak av at skateboardet til Eirik plutseleg var ein security-risk - og måtte sendast som bagasje istadenfor å vera handbagasje. Me hadde då vore igjennom den vanlege sikkerheitskontrollen - og alt gjekk greit der. Men - alt gjekk greit - skateboardet kom heilt fram til Gardemoen.
Får ynskja alle som les dette ein god sommar - skjer nok ikkje so mykje på denne sida før til hausten.

Sommarferie !!

Avgangselevane ved Qatalum Norwegian School - Tormod, Jørgen, Gøril, Martinus og Edvard

Gøril er no ferdig med grunnskulen - og tysdag arrangerte 10.klasseforeldra avlutningsmiddag for elevar, foreldre og lærarar - med god mat for både store og 'små' - veldig koseleg.
Torsdag var det skuleavslutning på QNS- og her vart det mange avskjedar - og masse tårer... Som rektor sa - når du reiser ned hit til Qatar tek du avskjed med vennene der - so får du nye venner her - og må igjen ta avskjed med dei når du reiser tilbake til Norge.
Men det var ei veldig fin avslutning.

Marte har hatt ei veldig hetisk veka - med 5 eksamenar. Ho er no ferdig med sitt år på ASD - so det vert mange å ta avskjed med for ho òg. Nokon vil ho nok treffa att når ho kjem til Qatar på besøk - men ikkje alle - so sjølv om ho gledar seg veldig til å koma tilbake til Norge - so er det nok litt vemodig å reisa herifrå òg.

Det er no nesten 50 grader her - det er heitt!! Men - me må likavel sola oss litt - kan ikkje koma bleika heimatt...

OG - viss alt går etter planen landar me på Gardemoen søndag kl. 1100!!

Nedtelleing

Idag er det 6 dagar til me reiser til Årdal - og alle gledar seg veldig. Litt spesielt for Marte som ikkje skal tilbake for å bu - vert nok ein del litt triste avskjedar - men men.

Onsdag vart Marte 18 år - det var meininga ho skulle ut å eta med den den norske vennegjengen - meng pga litt sjukdom ++ so vart ikkje det noko av - so det vart hastebestilling på Pizza Hut istadenfor - for eg hadde berre laga tomatsuppe til middag. Men browniesen var klar - so jenta var fornøgd ho. Sjølve feiringa skal ho ha i Årdal når ho kjem heim - + at me fieira ho ilag med fam. Brusethaug på fredag - champagnelunch på Intercontinental - med sjokoladefondue (var nok det Marte gleda seg mest til).

Gøril er no ferdig med grunnskulen - kun 2 'kosedagar' att. Kjem idag att frå skuletur til Nepal - heile ungdomstrinnet har vore avgårde. Har so vidt vore i kontakt med ho - og dei hadde det veldig kjekt.

Eirik har gått over til ein del inne-tid no - er for heitt å vera ute lenge av gangen - men litt skating ++ vert det no - og litt basseng.

Og - so har me fått installert 'breiband' og telefon. Ikkje den heilt store hastigheiten - men stabilt nok til Skype og IP-telefon.

End of Season - Latinoparty

Mange flotte Lationos på end og season-partyet som vart halde ved bassengkanten på AlBanush på torsdag. Folk hadde verkeleg vore flinke med kostyme - og skreddaren i Mesaieed må ha hatt veldig gode dagar i forb. med partyet. Masse skreddarsydde silkeskjorter i flotte fargar, flotte kjolar. Og - eg beundrar alle som heldt ut med parykk heile kvelden ...

Beste mannelge kostyme gjekk til ein aordøl - Arne Gildset - sjå bilete under.

Bassengområdet var flott pynta - meksikansk mat - tequila, margerita, pinacolada - salsaoppvisning, limbokonkurranse ++ Og masse dans - var artig å få dansa litt att. Kom som vanleg heimatt med blåflekkete armar.

Og - det var ikkje lenge etter maten før fyrstemann hoppa uti bassenget - og han vart etterfult av mange - bl.a. unge Brun. Var mange som hoppa uti bassenget med (påtegna) bart og kom oppatt frutta... - men då var mesteparten av bileta tekne - og det var ikkje so nøye med denna barten.

Bileta under er Arne og Cecilie, Ove og Terje etter bassengbadet, Ove med kollegaer, og Gro og Kjellbjørn.

51 grader!!

Denne veka har det faktisk vore oppe i 51 grader - og det er heitt!! Er ikkje fullt so gale no - men heitt nok. Merkar det òg inne - får ikkje kaldt vatn lenger i springen - og det er nesten håplaust å dusja om ettermiddag/kveld pga altfor heitt vatn. Men - klarar alltids å ligga litt ved (eller oppi) bassenget ...

Og so er det snart tid for heimreise - berre litt over 2 veker att no.

Under 2 bilete frå Marte sin PROM - Marte pynta til fest + gjengen med limosin.

17. mai ++

17.maivèret har ein litt anna betydning her i Qatar - me lurte lenge på om det vart for heitt å gå i bunad - men sidan bunaden var vorte med nedover so bestemte me oss for å ha den på i 1. del av feiringa.
Var faktisk heldige med vèret - var nok ein 3-5 gader kaldare enn dagane i forkant - og godt var det - for det var heitt nok.
Dagen starta med flaggheising på skuleplassen, sang og tale av rektor. So var det tog - korpset vart drege av ein trailer - hadde nok vore for heitt for dei ellers. Etter toget var det samling på klubben der skulen hadde laga til eit flott program der alle elevane deltok. Eirik deltok med gitarspeling - i tillegg til sang i lag med klassen.
Om ettermiddagen var det 17.mai-buffè på klubben - med tale for dagen - leikar for ungane - god mat og lotteri. Ein kjempetriveleg kveld.

Me har ellers vore på ASD award-night (veldig amerikansk kveld) og sett på Marte fekk award for "outstanding academic improvement" i "Sports for life (gym)" - ikkje verst!! Og - begge dei 2 andre norske som byrja i lag med Marte på ASD i haust fekk òg kvar sin award.

Gøril har ellers vore ein del oppteken med litt dugnadsarbeeid i det siste - skal samla inn litt peng til skuleturen som går til Nepal. Har laga 17.mai-sløyfer og arrangert film-kveld. Og det store for ho denne helga var AKON-konsert på Intercontinental Beach - hadde visst vore veldig kjekt.

Under nokre bilete frå 17.mai-feiringa. Marte, korpset, toget (Eirik) og song av mellomtrinnet og ungdomstrinnet (Erik (fremst) og Gøril (bakerst)).

PROM

Bilde over viser Marte i sin skreddarsydde kjole - spesiallaga til PROMen som ho skal på imorgon. PROM - ekte amerikansk highschool ball - er happeningen med stor H for ungdom i Amerika - og sidan skulen hennar er amerikansk so vert dette veldig stort her òg. Antrekk, frisyre og tilbehøyr vert planlagt i godt tid - so det var berre å henga seg på. Kjolen er sydd av ein veldig lokal skreddar - kun eit par minutt unna. Veldig greit - for det vert nokre turar dit i forb. med ein ballkjole.

Re - kva skjer

Har no funne ut kva som skjedde i forrige veka - det var visstnok ei minnestund for handelsminisiteren - han vart drept i ei trafikkulukke her i nærheita for ca. ei veke sidan.

Under eit par bilete frå då me hadde med oss fam. Sødem Karlsen på the Pearl + eit frå kaffistund i teltet.

Qatar Super Grand Prix

Artig med friidrettstemne i Qatar. Gratis inngang - dei som vil kan kjøpa inngangsbilett og vera med på trekning av bl.a. dei 3 kvite bilane som står oppstillt på biletet + mange andre flotte preimar. Eg, Ove og Eirik var òg på plass - med kvart vårt norske flagg. Visst ikkje heilt kvar me skulle plassera oss - men ein arabar ga oss beskjed om at 'your family is over there' - og det stemte for såvidt - der han peikte var ein god del nordmenn - flott plassert i forhold til spydkastinga.
So - kvar gong Thorkildsen var på bana so var det full jubel - so me vil no ha litt del i seieren. Thorkildsen vann med eit kast på 83.39 - noko han i fulgje norske nettavisen ikkje var heilt fornøgd med. Men - han kan no alltids skulda på varmen - det gjer me andre her nede når det er eit eller anna som ikjke går heilt vår veg...

Kva skjer ???

I går skjedde det eit eller anne oppe ved stadion - rett attmed compounden her - men kva?? Ikkje lett å finna ut av det. Vegar var sperra av - trafikkpoliti og vanleg politi - mange av dei bevæpna - i alle kryss/rundkøyringar. Masse ambulansar, politibilar og andre utrykningskøyretøy sto 'klar' ved ein rundkøyring rett ved sidan av her. Eit par helikopter svirra over her - sto opptil fleire gonger heilt i ro i fleire minuttar rett over compounden - og det hadde visst vore politi inne i compounden òg. Spurte fleire - men ingen visste kva som hadde skjedd.

Eg og Marte skulle til ein skreddar på andre sida av rundkøyringen. Sidan det var so masse sperringar bestemte me oss for å gå - sjølv om det var veldig heitt - men me vart stoppa av bevæpna politi - so då var det berre å snu.

Har i dag sjekka fleire websider - men finn ingenting.

Litt av kvart

Dumt eg ikkje hadde eit før-bilete - men slik ser det ut når vaskehjelpen vår har rydda i skohylla!! Marte vart heilt forvirra - og lurte på kvar ho skulle plassera skodn sine... Har fått oss ny vaskehjelp - den gamle slutta berre å koma - so då var det berre å finna seg ein ny.

Veka har gått fort - og bra er det. Har vore på foreldremøte for å diskutera skuletur for ungdomssteget på Qatalum Norwegian school - og dersom alt går etter plan vert det 5 dagar i Nepal for Gøril - det er nokon som har det... Avreise 3. juni.

I går var me til skreddar for fyrste gong her i Qatar. Gøril har formingsoppgåve som går ut på å tegna og få sydd seg ei drakt/kjole - og i går fekk me ordna med både stoff og skreddar. Vert spennande å sjå korleis det vert - alt var 'No problem' - veit ikkje om det er lovande - eller???
Ove bestillte seg òg ei skjorte - har tenkt å ha fleire - men prøver med ei fyrst. Får seg då skreddarsydd skjorte til litt over 100 kr.

Og - det vert ikkje akkurat kaldare her - over 40 grader midt på dagen no. Har investert i vifta ute ' 'teltet' - det trengst !!

Dagane går

veldig fort ... nesten 2 veker sidan forrige innlegg no.
Lufta datt litt ut av oss etter den besøksperioden me hadde - klarte liksom ikkje å planlegga noko - so det er vorte ein god del avslapping med gode bøker - veldig OK det òg.

Vekedagane er stort sett oppbooka med trening. Gøril er no ferdig med fotballtreninga i Doha - og har no starta på fotballtrening i Mesaieed 2 gonger i veka - med 2 norske trenarar - Fredleif i frå Sogndal/Vik og Bjørn Inge ifrå Raufoss. Veldig bra - og godt å sleppa fartinga inn til Doha.

Ove har lenge slete med ein legg - og som vanleg er panikken stor. Eg prøvde å sei at det var berre å halda seg i ro nokre veker - men nei - alt anna måtte prøvast - diverse legar, fysioterapautar, ultralydbehandlingar, nye sko(både joggesko og fotballsko), sålar, alternativ trening ++ - før han til slutt fann ut at det kanskje var best å halda seg unna jogging/fotball likavel - og kun trena spinning og symjing. Trur han byrjar å bli bra no - har iallefall jogga litt.


Ellers er heten komen for fullt - nærmar seg no fort 40 grader midt på dagen - men det går enno fint å ligga ved basseengkanten / strandkanten. Og - kjempefint å sitta ute om kveldane.

Denne helga har det vore (Power)båtrace i Doha - var ein norsk båt med - men det gjekk visst ikkje so bra med den. Me var ikkje og såg på - prioriterte ørkentur og basseng/vaffelparty istadenfor Corniche og båtrace.

Det var ellers full jubel i heimen igår då United snudde 0-2 til 5-2 - seier vart feira med brus, potetgull og Freia fruktnøtt!!

Torevèr

Ja - det kan regna her og - når det fyrst regnar so kjem det ofte nokon relativt korte - men veldig kraftige regnbyger. Då er det til å sjekka at huset er tett - noko det som regel ikkje er...
I går lyna og tordna det mesteparten av ettermiddagen. 1. regnkave kom om ettermiddagen - og eg benytta då sjansen på å få kosta vekk all sanden på uteområdet vårt. Såg veldig fint ut etterpå.
Seinare på kvelden kom det fleire kavar - og idag tidleg fann eg ut at regnet hadde skylt med seg ned all sanden + ein del skrot frå taket og ned på uteområdet - so no ser det mykje verre ut enn før eg kostar. So då er det til att med kost og hageslange... MEN - idag skin sola !!

Påskebesøk

I påsken har me hatt besøk av Anne, Kai og Vilde - kjempetriveleg!!

Dei kom natt til 'palmelaurdag' - nedlassa med brunost, kvitost, aviser, påskegodt, bøker og blad, ++ - og vart ynskt velkommen med kanelbollar og champis.

So vart det full fart (eller - eigentleg ikkje - har vore masse avslapping) - masse soling og bading ved bassenget i compunden og Al Banush. ATV-køyring, ørkenovernatting, The Pearl, trening, fleire Souqbesøk, masse shopping + at me vaksne hadde oss ein fantastisk champagenlunch i lag med den vaksne delen av fam. Brusethaug m/sitt påskebesøk.

Marte, Gøril og Vilde kosa seg òg godt ilag - kjekt at jentene klarar å halda kontakten - sjølv om dei ikkje treffest so ofte.

Ørkenovernatting

So var det tid for ørkenovernatting. Me tok den litt lettvindte varianten - ein organisert tur der alt vart lagt tilrette for oss. Var berre å møta opp - og betala.
I vårt fygje var det totalt 6 familiar - 3 frå Sunrise Residence - som alle hadde kvar sin familie på besøk - totalt 23 personar med smått og stort.

Me vart fordelt i 5 bilar - avhengig av kor tøft ein ville køyra. I stopp var Seeline - der dei tappa ut luft og samtidig kunne dei som ville nytta høva til å ri på kamel og å bli avfotografert medan dei holdt ein falk.

So var det ørkenkøyring - dei som hadde valgt den litt tøffare varianten fekk kost seg med skikkeleg dyrekøyring - masse skråkøyring, bratt nedover - og ein bil rygga tilogmed ned ei dyne...

Vel framme til campen vart det volleyball, 'snowboard' -køyring, bordtennis, bading, ++ - før det var grillmat utpå kvelden. Fekk med oss både solnedgang, måneskinn og ein flott soloppgang før me var tilbake til compounden ca. 0930 om morgonen.